Psalms 53

В конец, в песнех разума Давиду,

внегда приити Зифеем и рещи Саулови: не се ли, Давид скрыся в нас?

Боже, во имя Твое спаси мя и в силе Твоей суди ми.

Боже, услыши молитву мою, внуши глаголы уст моих:

яко чуждии восташа на мя, и крепцыи взыскаша душу мою, и не предложиша Бога пред собою.

Се бо, Бог помогает ми, и Господь заступник души моей:

отвратит злая врагом моим: истиною Твоею потреби их.

Волею пожру Тебе, исповемся имени Твоему, Господи, яко благо:

яко от всякия печали избавил мя еси, и на враги моя воззре око мое.