Psalms 77

intellectus Asaph adtendite populus meus legem meam inclinate aurem vestram in verba oris mei eruditionis Asaph ausculta populus meus legem meam inclinate aurem vestram ad verba oris mei

aperiam in parabola os meum eloquar propositiones ab initio aperiam in parabula os meum loquar enigmata antiqua

quanta audivimus et cognovimus ea et patres nostri narraverunt nobis quae audivimus et cognovimus et patres nostri narraverunt nobis

non sunt occultata a filiis eorum in generationem alteram narrantes laudes Domini et virtutes eius et mirabilia eius quae fecit non sunt abscondita a filiis eorum a generatione sequenti narrante laudes Domini et potentiam eius et mirabilia eius quae fecit

et suscitavit testimonium in Iacob et legem posuit in Israhel quanta mandavit patribus nostris nota facere ea filiis suis statuit contestationem Iacob et legem posuit in Israhel quae mandavit patribus nostris ut docerent filios suos

ut cognoscat generatio altera filii qui nascentur et exsurgent et narrabunt filiis suis ut cognosceret generatio subsequens filii nascituri surgent et narrabunt filiis suis

ut ponant in Deo spem suam et non obliviscantur opera Dei et mandata eius exquirant ut ponant in Deo spem suam et non obliviscantur cogitationum eius et mandata eius custodiant

ne fiant sicut patres eorum generatio prava et exasperans generatio quae non direxit cor suum et non est creditus cum Deo spiritus eius ut non sint sicut patres eorum generatio declinans et provocans generatio quae non praeparavit cor suum et non credidit Deo spiritus eius

filii Effrem intendentes et mittentes arcus conversi sunt in die belli filii Efraim intendentes et mittentes arcum terga verterunt in die belli

non custodierunt testamentum Dei et in lege eius noluerunt ambulare non custodierunt pactum Dei sui et in lege eius noluerunt ingredi

et obliti sunt benefactorum eius et mirabilium eius quae ostendit eis et obliti sunt commutationum eius et mirabilium eius quae ostendit eis

coram patribus eorum quae fecit mirabilia in terra Aegypti in campo Taneos coram patribus eorum fecit mirabilia in terra Aegypto in regione Taneos

interrupit mare et perduxit eos statuit aquas quasi utrem divisit mare et transduxit eos et stare fecit aquas quasi acervum

et deduxit eos in nube diei et tota nocte in inluminatione ignis et duxit eos in nube per diem et tota nocte in lumine ignis

interrupit petram in heremo et adaquavit eos velut in abysso multa scidit petram in deserto et potum dedit quasi de abyssis magnis

et eduxit aquam de petra et deduxit tamquam flumina aquas et eduxit rivos de petra et elicuit quasi flumina aquas

et adposuerunt adhuc peccare ei in ira excitaverunt Excelsum in inaquoso et addiderunt ultra peccare ei ut provocarent Excelsum in invio

et temptaverunt Deum in cordibus suis ut peterent escas animabus suis et temptaverunt Deum in cordibus suis petentes cibum animae suae

et male locuti sunt de Deo dixerunt numquid poterit Deus parare mensam in deserto et loquentes contra Deum dicebant numquid poterit Deus ponere mensam in solitudine

quoniam percussit petram et fluxerunt aquae et torrentes inundaverunt numquid et panem potest dare aut parare mensam populo suo ecce percussit petram et fluxerunt aquae et torrentes inundaverunt numquid et panem poterit dare aut praeparare carnem populo suo

ideo audivit Dominus et distulit et ignis accensus est in Iacob et ira ascendit in Israhel ideo audivit Dominus et non distulit et ignis accensus est in Iacob et furor ascendit in Israhel

quia non crediderunt in Deo nec speraverunt in salutare eius quia non crediderunt Deo nec habuerunt fiduciam in salutari eius

et mandavit nubibus desuper et ianuas caeli aperuit et praecepit nubibus desuper et portas caeli aperuit

et pluit illis manna ad manducandum et panem caeli dedit eis et pluit super eos man ut comederent et triticum caeli dedit eis

panem angelorum manducavit homo cibaria misit eis in abundantiam panem fortium comedit vir cibaria misit eis in saturitatem

transtulit austrum de caelo et induxit in virtute sua africum abstulit eurum de caelo et induxit in fortitudine sua africum

et pluit super eos sicut pulverem carnes et sicut harenam maris volatilia pinnata et pluit super eos quasi pulverem carnes et quasi harenam maris volatilia pinnata

et ceciderunt in medio castrorum eorum circa tabernacula eorum et ceciderunt in medio castrorum eius in circuitu tabernaculorum eius

et manducaverunt et saturati sunt nimis et desiderium eorum adtulit eis et comederunt et saturati sunt nimis et desiderium eorum adtulit eis

non sunt fraudati a desiderio suo adhuc escae eorum erant in ore ipsorum non indiguerunt de cupiditate sua cum adhuc cibus esset in ore eorum

et ira Dei ascendit in eos et occidit pingues eorum et electos Israhel inpedivit furor ergo Dei ascendit super eos et occidit pingues eorum et electos Israhel incurvavit

in omnibus his peccaverunt adhuc et non crediderunt mirabilibus eius in omnibus his peccaverunt ultra et non crediderunt mirabilibus eius

et defecerunt in vanitate dies eorum et anni eorum cum festinatione et consumpsit in vanitate dies eorum et annos eorum velociter

cum occideret eos quaerebant eum et revertebantur et diluculo veniebant ad Deum si occidebat eos tunc requirebant eum et convertebantur et diluculo consurgebant ad Deum

et rememorati sunt quia Deus adiutor est eorum et Deus excelsus redemptor eorum est et recordabantur quia Deus fortitudo eorum et Deus excelsus redemptor eorum

et dilexerunt eum in ore suo et lingua sua mentiti sunt ei et lactaverunt eum in ore suo et lingua sua mentiti sunt ei

cor autem ipsorum non erat rectum cum eo nec fideles habiti sunt in testamento eius cor autem eorum non erat firmum cum eo nec permanserunt in pacto eius

ipse autem est misericors et propitius fiet peccatis eorum et non perdet eos et abundabit ut avertat iram suam et non accendet omnem iram suam ipse vero misericors propitiabitur iniquitati et non disperdet multumque avertit iram suam et non suscitavit totum furorem suum

et recordatus est quia caro sunt spiritus vadens et non rediens sed recordatus est quia caro essent spiritus vadens et non revertens

quotiens exacerbaverunt eum in deserto in ira concitaverunt eum in inaquoso quotiens provocaverunt eum in deserto adflixerunt eum in solitudine

et conversi sunt et temptaverunt Deum et Sanctum Israhel exacerbaverunt et conversi sunt et temptaverunt Deum et Sanctum Israhel concitaverunt

non sunt recordati manus eius die qua redemit eos de manu tribulantis non sunt recordati manus eius diei qua redemit eos a tribulante

sicut posuit in Aegypto signa sua et prodigia sua in campo Taneos qui fecit in Aegypto signa sua et ostenta sua in regione Taneos

et convertit in sanguine flumina eorum et imbres eorum ne biberent qui convertit in sanguine fluvios eorum et rivos eorum ut non biberent

misit in eos cynomiam et comedit eos et ranam et disperdit eos qui inmisit eis genus omne muscarum ut comederent eos et ranas ut disperderent eos

et dedit erugini fructus eorum et labores eorum lucustae qui dedit brucho germen eorum et laborem eorum lucustae

et occidit in grandine vineam eorum et moros eorum in pruina qui occidit in grandine vineas eorum et sycomoros eorum in frigore

et tradidit grandini iumenta eorum et possessionem eorum igni qui tradidit grandini pascua eorum et iumenta eorum volucribus

misit in eos iram indignationis suae indignationem et iram et tribulationem inmissionem per angelos malos qui misit in eos iram furoris sui indignationem et comminationem et angustiam inmissionem angelorum malorum

viam fecit semitae irae suae non pepercit a morte animarum eorum et iumenta eorum in morte conclusit munivit semitam furori suo non pepercit morti animae eorum et animantia eorum pesti tradidit

et percussit omne primitivum in terra Aegypti primitias laborum eorum in tabernaculis Cham et percussit omne primogenitum in Aegypto principium partus in tabernaculis Cham

et abstulit sicut oves populum suum et perduxit eos tamquam gregem in deserto et tulit veluti oves populum suum et minavit eos sicut gregem in deserto

et deduxit eos in spe et non timuerunt et inimicos eorum operuit mare et duxit eos cum fiducia et absque timore inimicos autem eorum operuit mare

et induxit eos in montem sanctificationis suae montem quem adquisivit dextera eius et eiecit a facie eorum gentes et sorte divisit eis terram in funiculo distributionis et adduxit eos ad terminum sanctificatum suum montem istum quem possedit dextera eius et eiecit a facie eorum gentes et possidere eos fecit in funiculo hereditatem

et habitare fecit in tabernaculis eorum tribus Israhel et conlocavit in tabernaculis eorum tribus Israhel

et temptaverunt et exacerbaverunt Deum excelsum et testimonia eius non custodierunt et temptaverunt et provocaverunt Deum excelsum et testimonia eius non custodierunt

et averterunt se et non servaverunt pactum quemadmodum patres eorum conversi sunt in arcum pravum et aversi sunt et praevaricati sunt ut patres eorum incurvati sunt quasi arcus inutilis

et in ira concitaverunt eum in collibus suis et in sculptilibus suis ad aemulationem eum provocaverunt et provocaverunt eum in excelsis suis et in sculptilibus suis ad aemulandum concitaverunt

audivit Deus et sprevit et ad nihilum redegit valde Israhel audivit Deus et non distulit et proiecit vehementer Israhel

et reppulit tabernaculum Selo tabernaculum suum ubi habitavit in hominibus et reliquit tabernaculum Selo tentorium quod conlocavit inter homines

et tradidit in captivitatem virtutem eorum et pulchritudinem eorum in manus inimici tradidit in captivitatem gloriam suam et decorem suum in manu hostis

et conclusit in gladio populum suum et hereditatem suam sprevit et conclusit in gladio populum suum et in hereditate sua non distulit

iuvenes eorum comedit ignis et virgines eorum non sunt lamentatae iuvenes eius devoravit ignis et virgines eius nemo luxit

sacerdotes eorum in gladio ceciderunt et viduae eorum non plorabuntur sacerdotes eius gladio ceciderunt et viduae eius non sunt fletae

et excitatus est tamquam dormiens Dominus tamquam potens crapulatus a vino et evigilavit quasi dormiens Dominus quasi fortis post crapulam vini

et percussit inimicos suos in posteriora obprobrium sempiternum dedit illis et percussit hostes suos retrorsum obprobrium sempiternum dedit eos

et reppulit tabernaculum Ioseph et tribum Effrem non elegit et proiecit tabernaculum Ioseph et tribum Efraim non elegit

et elegit tribum Iuda montem Sion quem dilexit sed elegit tribum Iuda montem Sion quem dilexit

et aedificavit sicut unicornium sanctificium suum in terra quam fundavit in saecula et aedificavit in similitudinem monoceroton sanctuarium suum quasi terram fundavit illud in saeculum

et elegit David servum suum et sustulit eum de gregibus ovium de post fetantes accepit eum et elegit David servum suum et tulit eum de gregibus ovium sequentem fetas adduxit eum

pascere Iacob servum suum et Israhel hereditatem suam ut pasceret Iacob populum eius et Israhel hereditatem eius

et pavit eos in innocentia cordis sui et in intellectibus manuum suarum deduxit eos qui pavit eos in simplicitate cordis sui et in prudentia manuum suarum dux eorum fuit